Kouman pou nou fè edikasyon pèp ayisyen an.

 Pou fè edikasyon yon pèp genyen 3 bagay ou ape bezwen konnen

1, istwa peyi a

2, sa ki ape pase nan sosyete a

3, deviz nou sa vle di kote nou vle rive.

Tout 3 bagay sa yo genyen yon pwen an komen. Yon kesyon byen senp men ki genyen tout enPòtans li. " Ki motif yo?" Pase yon pèp enfliyanse egzistans li e souvan defini jou ki ape vini yo. Malerezman monn lan pa estatik. Genyen fenomèn a la fwa planifye e biza ki ape pwodywi. Pou ou rive estabilize e pozisyone ou ou dwe an mezi pou ou domine mantalite vi a. Ayisyen genyen 3 atitid si nou vle pase nan yon lòt faz nou ta dwe pran o serye.

1, nou rijid. Rijidite vle di yon bagay ki pa kapab tòde kèlke swa jan ou ta vire li. Nou konsève imay ki bay nou libète a e deside afwonte konsekans ki opoze ak volonte sa. Se nòmal. Se sa ki fè yon moun moun. Anplis anyen pa kapab retire souvni bon aksyon yo toutetan ou egziste. Men genyen yon bagay nou ta dwe konsidere. Konsekans yo pape sèlman genyen efè sou nou men sou tout jenerayon ki ape monte yo. Ti moun ki ape grandi yo ape genyen swa pou yo swiv nou ou pou deside sou pwòp desten yo. Donk li ta bon pou nou panse sou chwa nou yo. Konpwomi te kapab ede nou rezoud kriz ki ape boulvèse peyi a. Nou kapab pa dakò ou wè bagay yo yon lòt fason men sonje mwen di nou politik <<se bay mwen mwen ape bay ou>>. Tout alye nou kapab genyen se lè yo wè enterè pèsonèl yo. Sa ki bèl la yo devan e fò. Nenpòt lè bagay yo mal pase nou menm ki ape viktim. Yon chwa pou nou fè. Antre nan konsansis la ou byen prepare nou pou sa ki ape vini an.

2, nou konfòmis. Konfòmite se pran bagay yo jan yo ye a san fè gwo efò pou amelyore ou menm chanje yo. Pèp ayisyen se yon nasyon ki konnen lite, pou di verite men toujou nan fason kontanporen an. Teknyoloji, machin endistriyèl jou apre jou ape tounen plis ke yon nesesite pou monn komèsyal la. Li se moman pou nou rantre nan mache konpetitif la. Malerezman sektè enfòmèl la ape pran plis anplè ke sèk fòmèl la sa vle di ti komès san karaktè pwofesyonèl ak nòm ki reji jan domèm konpetisyon an fonksyone. Solisyone pwoblèm sa pa pi difisil ke anpil lòt nou fantome men poutan ki genyen yon nesesitie ki mache ak obsèvasyon anbyantal la. Padone mwen repetisyon an men jouk nou montre mwen nou konprann e domine konsèp vi aktywèl la mwen pape janmen sispann kewonnen nan zòrèy nou devwa pou nou adopte yon lòt mòd vi. Se pa anpil bagay non.

1, idantifye bezwen nou yo

2, defini yon estrateji pou solisyone yo. Egzanp; lekòl ayisyen se yon defi pou jenereasyon 15/18 an an. Panse nan ki sans kantite tan yon ti moun fe li pwale lekòl, matyè ki pa apwopriye ak adaptasyon sistèm tenyolojik tankou enfòmatik pou reponn ak egzijans mache entènasyonal la. Koumanse pa chanje ideyoloji nou. Fason nou ye a pwouve ayisyen se yon mantalite ki adapte ak jan yo wè vi an.    3, Nou depandan. Otonomi se yon prensip ki sanble pa ansenye nan sosyete ayisyen an. Raple nou mwen deja di pou yon peyi egziste li bezwen 3 bagay; 1 TE 2, MOUN 3, IDANTITE Si nou vle wè ayiti vanse koumanse pa panse plantasyon, ale fè elvay bèt nou yo. Pyès èd an espès ou an nati pape ede nou soti kote nou ye a si se pa pwodiksyon nasyonal nou an nou voye monte. Dayè tout don nou kapab resevwa retounen kote yo te soti a san sibi okenn transfòmasyon donk, san okenn pwofi pou nasyon ayisyen an. Li lè pou nou sispann lonje bòl ble nou bay moun detenn souf yo sou nou. Raple nou pa pare pou bay kouman nou konte jwenn lè nou pa anvi kopere ak lòt kote?  Manyè ale chache boujwa yo nan tou kote yo kache yo pou desann kwabosal nan transfòme lèt bèf nou yo an pwodywi fini, Kreye plis endistri, antre site solèy kapasite pil ti jenn sa yo ki deja genyen eksperyans nan manyen zam. Kreye espas pou yo nan polis la ou byen nan lame nou konte fòme a pandan nou ape fè a la fwa fòmasyon akademik ak sikolojik yo.

      Pou mwen sensè ak nou yon bon akò ak sosyete ou enstitisyon ki vle ede nou ta kapab yon sous pou pouse nou pi devan men fòk nou te kapab jwenn bon diplomat ki pare pou defann enterè nou devan pwopozisyon entè-echany yo.

Metrize 3 konsèp sa yo ape pèmèt nou marye pase gloriye nou an ak sou demen nou reve debouche a. Sijè sa anpil mwen oblije divize li an miyèt moso. Mwen ape kite nou men ak 2 kesyon.  Panse anpil sou sa paske mwen ta renmen fwa sa nou entèraji. Ki sa ki deviz pèp ayisn an? Ki kote nou ta renmen ye pou 20 ane ki pwale vini yo?