Yon fòs pou sekirize nasyon an san cha san bato. Ki kò sa ye?

Li bon pou ou fè silans kèk fwa pou ou obsève kouman pèp la ape reyaji devan kouran politik Ayisyen an. Apre Prezidan Mateli fini jistifye pozisyon li sou zafè refè lame a, nasyon an gade silans kòm si yo pa rann yo kont ki gwo erè chèf leta a fè. An nou di li se yon erè pou nou pa di yon pi gwo bagay. Nan pawòl li li si klè e presi ke entansyon li se fè yon fòs pou sekirize nasyon ayisyen an. Sekirize li nan ki sans? Pou nou pa twò radikal pozisyon nou byen defini. Fòk nouvo gouvènman sa refòme lame a.

Kòm li fè mansyon de jandamri petèt ke Prezidan an panse pwoteje peyi a kont dezas natirèl tankou siklòn, tranblemann tè ki se travay ponpye ak gwoup sekouris. Se byen nou bezwen sa. Evenman sa yo rive a nenpòt moman. Dwe genyen yon ekip espesyalize pou reponnn lè yo pase. Si se konsepsyon Mesye Mateli nou conplètman dakò avèk entansyon chèf leta a. Men, antèt peyi a di klèman li pa bezwen yon kò pou fè lagè, yon fòs san cha san bato. La nou klè ke inite sa prezidan an ape pale a pa kapab lòt ke lame a. La nou ape fè yon ti korije ekselans lan. Yo pa fè lame pou fè lagè. Wòl lame se mete lapè. Men nan ka ou ta genyen yon bagay ki mete peyi a an konfli se devwa lame pou entèvni pou estabilize sitiyasyon an. Search Amazon.com for Forces armées d'Haïti

       An nou eseye antre nan nesesite peyi Ayiti pou nou wè ki jan de kò nou genyen bezwen. Pa genyen sekrè nan fè kola. Se swa ou sa ou byen ou pa sa. Si ou ape dirije ou dwe an mezi pou ou asime responsablite ou. Si se yon erè nou pare pou nou padone antèt peyi a ka nou konnen li pa yon ekspè nan koze lame. Men èske li pare pou pran leson epi korije gwo fot sa? Si se yon bagay enentansyonèl nou ape retire Prezidan an kòm moun ki manke kouray, ka,  konbyen li pran dirijan an pou li sèlman di " lame d'Ayiti? Eske lidè nou pran presyon sou sa mèt monn lan kapab di nan bagay sa? Ou lòt nasyon ki pwòch nou pou yo pa santi yo touche, pou yo pa reyaji? Nou pape fè detay sou sa paske plizyè fwa deja nou eksplike ki travay lame nan yon sosyete sèlman nou ape mande Mesye Mateli pou li repanse sou koze yon kò san ekipman. Si se pou konbat delenkans, vòlè ak zak briganday li sifi pou ogmante efektif polisye yo, bay yo fòmasyon adekwa pou fè fas ak vagabon. se sa sèlman. Tout ka sivil ki pa majè se resposablite lapolis. Yo pa fè lame pou konbat yon pèp si se pa koz yon revòlt nasyonal mal òganize.

      Ayisyen, si nou pa kale je nou, yon bon maten nou ape leve nou ape wè gouvènman sa kreye yon charabya galmatya. Pou evite konplike bagay la, nou ape sèlman mande chèf leta a refòmile konsepsyon li sou fason li konte pwodywi nouvèl inite sa li ape pwone a.  Pa yon jandamri! Reyalite Ayisyen an pa konsepsyon ewopeyen. Konpòtman yon Ayisyen devan yon deblozay pa fason yon fransè ou byen anglè te ape reyaji. Nou vle yon lame. Yon lame pwofesyonèl ki pare pou kanpe devan avèk pèp la dèyè pou defann souverènte peyi a.

      Sonje genyen moun ki ape obsève kouman sosyete an ape mache. Se swa yo se lidè ou byen mande konsèy nan men moun ki eksperimante.