Mande K.E.P a pou li ogmante dat kanpay elektoral la

Kanpay elektoral se yon pwogram ki bay moun ki vize okipe yon pòs aksè pou prezante plan li, sa li konte reyalize . An Ayiti 2 pi gwo aktivite elektoral ki genyen se Prezidansyèl, palmantè ak minisipal yo ki fèt chak 2 ak 5 an swivan dat dènye eleksyon yo. 3 mwa avan moman eleksyon an yo anonse ouvèti ofisyèl demach pou kandida yo prezante sa yo planifye fè pou pèp la. 3 mwa se 92 jou, 6 semèn ou 2188 è sèlman ke li te pou pòs Prezidan, palmantè ou nenpòt lòt ki nan kous elektoral la. Ak plis pase 400 kandida nan diferan pati ak domenn pèp la genyen pou li deside pou  kiyès pou li vote swivan plan ki mache nan gou li a. Imajine ou ape genyen pou vote pou 20 moun, nan 3 mwa pou ou mache ranmase done ki sanble apwopriye ak solisyon pwoblèm ou yo? Ki lè ou ape genyen tan pou ou konnen kandida sa yo? An ayiti tris pou di sèl lè ou konnen moun ki pwale dirije ou a se lè peryòd eleksyon an rive. Moun, mande ou ki ras yo ou pa konnen. Ki sa yo deja fè nan sosyete a kit bon kit move pensonn pa okouran. Mwen ta renmen yon moun di mwen ki ayiti nou panse konstwi ak jan bagay yo pwale la? Ki yès ki genyen kouray pou di mwen lidè ayisyen yo te kapab miyò ke sa nou ape gade nan je nou la? Nan peyi moun ape panse, kanpay elektoral koumanse 1 dè fwa 2 zan anvan eleksyon an pou fasilite popilasyon an plis tan pou fwote ak kandida yo de manye li pwojte yon ide sou ide ki pi satisfezan yo. Mwen bay garanti ke si nou te pran tan pou obsève konpòtman endividi yo anvan nou vote nou te ape deja rann nou kont ke yo pa te ape mennen peyi a pyès kote ke nan pozisyon li ye la jodi a.  
Si li fè nou defo pou konnen sou ki baz pou nou chwazi vote yon moun kite mwen site pou nou kèk.
1, VIZYON li. Sa vle di sa li planifye fè lè li fini monte.
2, KAPASITE DINAMIK ak KREYATIF li. Pyès moun pa kapab devlope yon kominote ou fè mache yon enstisyon si li pa genyen nivo entèlektyèl pou sa. Fè atansyon: Mwen pa di nivo akademik.
3, PASE li. Relasyon li ak fanmi li, zanmi, konpòtman li afiche nan sektè li ape evolye... elatriye.
      Kwè mwen si nou vle, tout moun ki ape dirije toujou enfliyanse pa vi anteryè li. Kòm tout règ genyen eksepsyon sa kapab rive li chanje men sa ape rete yon bagay ra pou twouve, donk, sispann pran chans ak aza.
      Ayiti se yon peyi frajil an menm tan senp pou dirije si sèlman nou pran tan pou nou aplike prensip yo. Nou nan fèmti 2011 pou debouche sou 2012, yon ane mwen denome " yon nouvo depa pou ayiti ". Li ankò tan pou nou panse prensip yo paske nan faz nou ye la se yon ayiti a refè, ou byen nou ape genyen pou nou fè fas ak menm tip aksyon yo. Mande K.E.P a pou li ogmante dat kanpay elektoral yo pou bare wout ak bann chalatan sa yo ki pa vize lòt objektif ke kraze, piye peyi a epi vann ti rès la bay ALI-POTINIS yo.