Refè edikasyon sivik pèp ayisyen an

Kouramman depi yo pale de edikasyon nou wè fanmi ou enstriksyon akademik men an reyalite edikasyon ale pi lwen toujou. Byen ke nan yon kay se la ou aprann anpil bagay men lòt sèk yo tou kontribye nan sa ou ye jodi a. Legliz, travay, klèb zanmi, televizyon elatriye...
      Yon peyi se yon patrimwan, eritay ki transmèt jenerasyon an jenrasyon. Renmen, pwoteje, sekirize li se a la fwa yon devwa ak fyète pou natif yo. Prèt pou ou defann li mande yon apatenans ideyo-kiltirèl ki byen defini ak konesans sou ki sa nasyon sa vle di pou ou. Konesans vini de aprantisay, eksperyans ki soti nan enstriksyon ou resevwa. Si ou enteleijan ou ape rann ou kont mwen vle pale de edikasyon sivik. Enstriksyon sivik yon pèp soti nan pase li ak deviz li sa vle di ki kote yo vle rive. Ayiti genyen yon pase ki rich ak istwa kit bon ou move. Nou sove monn lan. Nou enspire lòt sosyete an menm tan nou choke yo kèk fwa. Bagay sa yo ta dwe transmèt a jenerasyon ki ape monte a. Malerezman pa twòp sousi nou dezenterese a sa nou reprezante, ki fè ti moun ki ape grandi yo ape leve san konnen ki sa ayiti vle di, donk san enterè pou kore li. Sa ki fè mwen mal la se wè yon gouvennman ki ape oprime popilasyon an nan fòse li aji san li pa anseye li dwa ak devwa li. Pèp la ase gran moun pou li konprann. E pa eksperyans pèsonèl mwen kapab testifye ke nasyon ayisyen an pare pou li konfòme li si sèlman nou pran yon ti tan pou nou edike li. Nou vle egzanp? Mwen tèlman genyen.
      Bon, Sa te ape mande pou ou fè edikasyon pèsonèl ou. Ekskize mwen si mwen di ou sa, men se yon verite. Ou pa kapab bay sa ou pa genyen. Mwen pa di ou pou ou tounen lekòl non. Pran ti chèz ou pou ou aprann konnen kouman moun viv nan sosyete.
      Mwen pape janmen sispann kònen sa nan zòrèy nou; Menm tè a ape deplase pou pozisyone li yon lòt kote. Pa di mwen nou ta kapab konstywi yon peyi ak santiman pasyonèl ki pa mache ak reyalite aktywèl monn lan. Ou vle konnen kouman moun viv? Tounen sou sit la mwen ape di ou yon lòt fwa.