Marthely konn dedouble, non, gen doub nasyonalite?

Pou ki nou sezi paske Prezidan an konnen dedouble, padon, genyen doub nasyonalite? Depi nan koumansman non li te chanje nou pa te etone ki sa ki choke nou la lè nou aprann nouvèl sa? Jan nou te konnen swit kò nou nan miki apre dans tanbou lou. Sa pa anyen. Epi depi kilè ayisyen te vijilan nan veye kamoken? Pou dat ame ape anvayi nou. Komisarya nou yo ble ak blan. Nan chanm nou yo fè riken. Nou konnen kouman Prezidan an chèf ayiti an rele? E pa sa ki fenk eli a non ni sa yo nome a. An tèt peyi a. Gade lè ou. Ou pa konnen? Ou kwè mwen kwè ou. Ou tèlman dwe BILL ou monte wo. Pa KLIN sèvo ou pou wè si pwoblèm pape TONN tèt. Solèy nou an tèlman dous, fanm nou yo vrèman klere ansyen chèf monn lan vini fè yon ti goute nou oubyen se sa zòt te fini vann li vini jere? Pyès moun pa di anyen kòm si se yon touris an vakans poutan zafè li li ape regle anba anba. Kòm yo di  <>, se sou ti piti sa nou anvi geri bosko nou. Genyen youn ki te tèlman ansyen li rive chèf nan gouvènman an. Li pase kay Sen ak Mak li vèse 100 kot dlo. Nan tèt mòn lan nou pwale.  Nou wè sa ki ape pase lasiri aktywèlman? Men ti bagay la. Ki moun ki te kanpe? Ou pa te la? Anyen ou pa te di. Kòm odasye li kriye. li pretann li ape mouri grangou pou moun kapab pran pitye. Lòt la kòm gwo egare, ki mannan sa? Konplo li ak nèg ak blan fè yon similak jodi a VONVON Deyò. ki yès ki pèdi? Mwen ak ou, si se pa ou menm ankò ki ape li la.

      Hummm! Se bon! Pèp ayisyen an koumanse wè klè. Ou ta kapab kriye pou sa ki soti pase a wi men elas. Ou fè twòp dilatwa ak nasyon an. Sa fè wont. Pou imilyasyon sa Ayiti pa leve kanpe. Ou konprann sa sa vle di? Ayiti bouke.

      Mwen, mwen pa fanatik salte, mwen pape apiye medyokrite. Men si ou wè sa mwen pa menm di podyab. Dayè se pa premye fwa sa ape rive. Yon pakèt depywite ak Senatwè, moun ki swa dizan plase pou panse pou yon peyi ape pran desepsyon nan men konpè kòk pou viza. Bagay se onè ou fè yon etranje lè ou deside vizite lakay li. A la wont pou klas politiko-entèlektywoul ayisyen an. Lè sa te pase ki sa ou tè fè? Se te mesye èGIYON, zepon li file ou te pè fè fas kare.

      Antouka mwen pa bay ou konsèy fè sa ou konte a paske

1, ou pèdi konfyans pèp la
2, nan mitan nou genyen yon bann san pèsonalite, en en, moun ki genyen doud nasyonalite.
Pito ou desann Sen domeng ale panse sou ka ti ayisyen ki fèt men ki jouk jodi a pa konnen sou ki peyi pou yo konte. yo se ayisyen ou dominiken? Sa pa di ou anyen.
      Mezanmi se jis yon ti blag. Sa mwen di yo se pa vre men gade pou wè si nou kapab konprann sa ki make fwonse nan lespri nou yo.