Kite mwen di ou vle kou pa vle lame a ape fèt. E fòk li fèt.

Ou kapab di sa ou vle. Deside pou ou aji nan fason ki nan lide ou men sonje ayiti se yon tè glise. Se pa mal si ou fè erè, pito se yon malè ou ape evite lè ou chita pou ou repanse jan bagay yo dwe ye. Ayiti, lame se yon bezwen, plis ke yon nesesite. Mwen pa pwale pale sou detay yo paske anpil fwa deja mwen fè sa men kite mwen di ou vle kou pa vle lame a ape fèt. E fòk li fèt.
      A 6 mwa gouvènans yon moun ki ape reflechi ta dwe panse reyalizasyon yon fòs pwofesyonèl sitou jan konjonkti nasyon ayisyen an ye kounye a li pa ta kapab posib. Yo pa dirije ak pasyon. Tout moun konprann tansyon pou yon moun monte dirijan an ayiti pa piti. Li ape pran tan pou ou disipe li nan santiman ou, men si ou enteleijan, ou vle fè yon bagay serye se mete ou nan kondisyon pou ou venk obstak yo. Se sa diplomasi. Kon sa moun fè gwo ponyèt. Refè lame d'ayiti ape pran tan. Yon pwosesif ki kapab dire plis ke manda nouvo gouvennman sa. Mwen onèt pou di li. Men ki sa li ye si se Mesye "x" ou "y" ki kanpe li? Gouvennman sa genyen pou obligasyon planifye, kreye espas pou moun ki pwale ranplase li yo parèt ak li. Glwa a ape toujou pou ou paske nan palmarès ou li ape enskri efò ou. Chache lajan, koperasyon, moun ki genyen eksperyans nan dirije yon nasyon ak mennen lame. Koumanse pa kreye lekòl militè pou aprann ti moun nou yo renmen peyi a ak ki sa yo fè ak zam. Ale refè sistèm jistis la. Manyen a fon konstitisyon an. Chita pale ak senatè depite ki vle peyi a bouje. sa ki pa dakò bliye yo pèp la va deside ki sa pou li fè ak yo. Pa bliye se nan chimen jennen yo kenbe chwal malen. Chemen eleksyon se kafou ki mete tout zwazo deyò nich yo. Monte tèt pèp la si ou santi ou fò pou li konnen ki jan pou li chwazi yon kandida. Di li ki sa pou li mande yo lè yo vini flate li pou li ale vote. Lè sa pandan tan ou an ou va genyen moun ki konsekan, konpetan pou ede ou dirije nasyon an. Si sosyete a genyen tan pare sikolojikman ou va panse fè sa ou ape fè a.
      Kreye sa mwen wè nou vle fè la se fouye twou mete tèt nou. Kwè mwen si nou vle menm pou nou li se yon danje. Moun sa yo ke nou di ki ape pran fòmasyon an san mwen pape pwofane efò nou parèt yon andikap pou deviz nasyon ayisyen an. Lame fèt ak jenn ki genyen ant 18 a 25 an, moun ki pa ko enfekte pa mantalite sosyo-kiltirèl moun ki pi gran yo. Pou sèvi yon peyi ou ta dwe pare pou bay li anviwon 25 a 30 an. Alò, chwazi sa ki ape bon pou ou an.