Ayisyen di moun nou yo aprann fè politik an silans.

Souvan yo di silans se mèt kesyon an. Lè ou ape dirije, sitou yon sosyete tankou ayiti kote peyi a nan tout domèn li malad, soti li nan kriz se pa yon jwèt ki ditou fasil. Yon moun ki reyisi mete ayiti sou pye li jan li ta dwe ye konnen nati an menm ape kouwone ou paske sa fè lontan selon mwen menm nou sispann egziste. Malerezman nou chita nou ape gade bagay yo sou pwen yo souvan pa ye ki koze nou pa kapab wè ki taktik envizib lan ape jwe ak nou. Se yon dwa tout moun genyen pou yo defann libète yo. Pyès moun pa kapab retire li nan men ou. Si ou pran pozisyon pou mennen bak peyi sa ou genyen kèk bagay ou ta dwe domine. Kòm jounalis li souvan rekòmande pou ou pa pibliye tout enfòmasyon menm lè yo itil. Paske genyen koze lè ou devwale yo ou mete yon pakèt lòt dosye an evidans. Sa anpil fwa konnen debouche sou kriz ou pa ta panse. Wòl yon prezidan selon konstitisyon an se asire li tout bagay yo ape mache swivan sa lwa peyi a mande. Ou genyen tou opòtinite pou fè egzekite plan ou yo an konfòmite ak manm gouvènman yo. Genyen yon seri pwojè li plis ke enpridan lè ou divilge yo anvan ou pare pou ou rantre nan faz egzekisyon. Pa bliye, advèsè a ape make ou. Li fò e entelijan. Dayè li anvayi tout sistèm ou yo. Anvan menm ou genyen tan reyalize sa ou vize a li ape pase nan faz eliminatwa paske li genyen plan B jouk Z a lenfini. Ou konnen istwa Danyèl nan fòs lyon an? Se pa maji non. 3 ti bagay sèlan.
1) Aprann domine advèsè a. Perèz se manifestasyon emosyon pwovoke pa sa ou ape panse, imajine. Advèsè a ki li nan panse ou konprann mouvman kò ou deside atake ou kote li santi ou fèb la. Mwen di ou kanpe anfas li. Dyab pa manje dyab. Li kapab fè ou pè, dayè se sa ki pa bon yo elimine, pa itil yo jete.
2) Si ou kote ou ye a konsidere tèt ou kòm chanpyon paske si sèlman opozan an te genyen chans pou achte pèp la sa fè lontan kriz sa te rezoud deja. Fè tèt ou pase pou yon bagay. Konnen se sa menm li pè, moun ki vle fè tèt a tèt ak li. Tout envestisman, dilatwa jwèt marèl sa yo te ape fini si li te posib pou jwenn yon moun ki rive mete moun sa yo chita.
3) Ou se yon medyatè. Wèl ou se sèvi pon ant nasyon ayisyen an ak sa ki devan li yo. Lè chak soti satisfè travay ou fèt. Men si genyen fòs kote ou pape dire. Ou mande si li posib? Si ou kapab ini de moun sa yo? Kouman non zanmi mwen? Ale sou teren an pou fè yon sonday pou wè si vizyon chak gwoup sa yo
pa konvèjan. Itilize taktik politik nan fè moun dòmi pandan zafè ou ape regle anba anba. Pa okipe moun ki ape di ou pèp la pape dakò. Lè jwèt la mele kote yo kouri ale sere? Pèp ayisyen sèlman ki nan kouri.
      Pa genyen sekrè nan fè kola. Bagay la di: "sa ki nan kè yanm sèl kouto ki konnen li", poutan lòt la di "rat konnen chat konnen barik mayi a rete la". Youn pou ou lòt la pou li. Manyè peze bagay yo nan balans vi a.
      Tout koze a se yon bon obsèvasyon ki ape fini pa bay ou yon konklizyon sa sosyete a bezwen ak kouman pou ou dirije li.  Ak laverite mwen pa pou youn ni lòt men fwa sa tante bay nasyon an yon chans pou li viv.