Sa boujwazi ayisyen an di nan blokay ekonomik peyi a?

Pyès devlopman pa posib nan okenn peyi lè moun ki genyen kòb pa deside fè li mache. Kwasans ekonomik yon nasyon depann de kantite envestisman li. Envesti vle di mete yon kantite deyò pou rantre yon pousantay. Premye kouch sosyal ki an mezi pou asire yon lanse se sila yo ki genyen nan men yo. Se yon bagay ki plis ke natirèl. San lajan pa genyen pwogresyon. Depi nesans ayiti li konnen kèk monte sou domenn devlopman pandan koumansman 20èm syès la ak yon gwoup alman melanje ak milat ayisyen. Istwa rapòte ke nou te tèlman sou yon bèl pant tout tè a yon lòt fwa konvwate pa lòt moun ki te anvi genyen nou. Jodi a se yon jou ki enpòtan nan memwa pèp ayisyen an. Tankou anpil lòt kote majorite popilasyon an pa genyen yon revni ki stab. Anpil viv ak yon sòm ki pi ba ke us$ 1 jak jou. Nivo ekonomi peyi a desann atè plat. Pa genyen anyen ki sanble ak pwodiksyon lakay nou. Ayiti chaje ak moun ki genyen mayen, e menm sifi pou rekanpe li. Nan nenpòt ti lage li posib pou nou rebalanse nivo vi an. Men jan bagay yo pwale a mwen ta dwe mande ki koz blokay sa? Eske an fen yon jou mwen ape rive wè sosyete sa ak yon lòt fòm figi? Kote boujwa peyi a? Pou ki pa genyen ase travay, izin, plis faktori? Nou santi genyen yon enviziblite kay elit gran nèg la nan domenn devlopman. Yo tou si mwen ape mande pa santi ou sibi konsekans mizè a? Petèt ou kapab di non men ak laverite nan yon fason endirèk mwen kwè yo menm tou viktim de sitiyasyon aktwèl la. Nou chaje ak richès natirèl. Pitit tè a ta dwe an mezi pou jwi li. Chire pit ki opoze eta jenewo ayisyen yo depi apre endepandans lan pa janmen jwenn yon bout. Jouk jodi a nou ape kontinye sou menm lanse voye toya monte youn sou lòt la. Poutan, konsekans lan genyen pou wè ak tout moun ki sanse konsène nan eta peyi a. Lòt kote lè yo ape pale yo pa fè eksklizyon yon gwoup kèlke swa ran ak nivo sosyal ou. Yo mansyone ayisyen ki pa genyen santiman ou byen kapasite pou fè peyi a mache. Nan 10 dènye ane ki pase yo klas mito-boujwa a ape fè ti aparisyon timidman nan koze politik la. Mwen pape site non pèsonn pou pa fè pèsonalite men tout moun wè ak konnen yo. Si youn ladan yo te ou ta jwenn chans pou monte nan tèt leta peyi a ki mòd gouvènans li te ape aplike? Ki sa tout nasyon an san retire yon pati ta kapab reve wè kòm aspè pozitif? Tout moun konnen tout sektè ki divize fini pa epapiye. Pou genyen yon ayiti nouvo ki chita sou yon baz modèn fòk obligatwaman yo jwenn yon bout nan divizyon klas sa. Mwen ape yon lòt fwa repete li. Inifikasyon yon sosyete pa elimine kouch ak kondisyon vi sosyal tout moun. Depi moun egziste ape toujou genyen echèl. A chak moun pou defann pozisyon yo. Ini 2 antite sa yo malere ak gran nèg, milat ak nèg nwè se pa yon jwèt ti moun ki ape woule nan tè. Fòk genyen moun ki dabò twouve enterè nan peyi a e ki angaje pou kanpe yon kanpay sansibilizasyon kay 2 potagonis yo. Ki yès, ki lè ak ki bò? Elas pou ayiti mache nou ankò ape kesyone ki sa pou nou fè? Li esansyèl pou genyen yon mea culpa. Di mwen si nou konnen sa ki pare pou abandone nan ògèy yo santiman yo genyen youn kont lòt? Pandan peryòd 5 an pouvwa Conille/Marhtely a èske boujwa ayisyen yo ape pwofite okazyon an pou montre ayiti sa yo di de li a se pa sa? Mas defavorize a, pou di li pare pou bliye kondisyon vi li, padone epi koumanse gade sou yon lòt vwa imay yo genyen de moun ki genyen kòb nan peyi a? Antouka peyi a pa kapab kontinye jan li ape mache a. Fòk nou deside mete a kote tout rezon depaman ki opoze ak chimen devlopman pou nou avanse.