Ayiti 18 novanm 1803 lame endijèn, 18 novanm 2011 sa pèp la ape rete tann?

      Ayiti 18 novanm, 208 an depi lame endijenn lan te fòje peyi sa. 18-1 sa fè 17 an depi akò nèg ak blan demobilize menm lè se te yon bann asasen ki te genyen nan tèt yo eleman jennan ki genyen pou non Rat Dokale Mawoule Se dra pa'm lan sa lame peyi a. Novanm 2011 anpil jou n'ap kouri sou presyon yon fòs depaman ki pa pataje menm lwa menm tandans ak pèp ayisyen an nan bwase kò nou rale malediksyon, pichon konplo sila yo ki soti pou simen pwav divizyon nan sosyete a. Kèk jou plizyè sektè nan vi nasyonal la te fini bliye koze sa men yon bann lòt te ape chache van pou yo ale lagonav reveye ak pawòl ansyen militè resisite sa. 17 lane tan ape pase men ayiti rete san pitit li ki kapab defann li nan ka move zangi ta atake li arebò chemen. Ki yès ki pare pou pran relèv ak bann sanginè ki te an kaki ou ble maren ak ble syèl sa yo? 18 novanm 2011 yon bri ki ape kouri nan mitan sosyete ayisyen an sou konnen si wi ou non peyi a ape anfen genyen yon kò ki pare pou defann dwa ak teritwa li. Pèp ayisyen ki sa nou ape di gouvennman sa? Ki lè nou ape aprann fè diferans ant sa ki enpòtan ak lè moun ape aji ak emosyon? Nou dakò sou bagay refòme ou remobilize lame sa?  Si wi memwa nou pa fe nou defo nou dwe sonje ayiti egziste gras ak nèg ak milat ki te deside bay vi yo pou anfen rès pitit yo, pitit piti yo ak pitit pitit pitit yo viv an sekirite. Menm lè chenn lan pa nan pye nou men granmèt la di priye veye ka nou pa konnen ki jou ni ki lè van presyon ou menm atak vagabon lòt bò rivyè ape vante sou teritwa lakou lakay.
      Antoukan mwen menm mwen deside kore peyi mwen nan di wi ayiti pa fèt pou rete sou siveyans entèl sinon se kòm si ou bay ti chat la veye mantèg ou ape karese a.