Men pou ki sa Prezidan yo pa janmen fè anyen pou peyi a.

Anvan nou rantre nan diskisyon an, mwen ta renmen nou fè yon ti gade nan konstitisyon an pou nou wè ki jan travay Prezidan an defini.(http://www.ayitireyalite.com/konstitisyonayisyen.php#041). Kounye a fon ti gade sou responsablite Pemye Minis lan (http://www.ayitireyalite.com/konstitisyonayisyen.php#043) pou nou wè ki konfizyon ki genyen nan sa pèp la toujou ape rete tann nan men chèf leta a, ki poutan se dyòb chèf gouvènman an.


      Tout tan nou pa kapab konprann bagay sa yo nou ape toujou genyen menm tandans lan sou sa sosyete Ayisyen an ye. An nou pran yon ti egzanp. Imajine ou Prezidan peyi ki ape inogire yon plas piblik. Sa pa parèt yon ti kras dwòl pou ou wè? Prèske non. Paske se konsa nou leve nou wè li. Men an reyalite, sa ta dwe an jeneral travay majistra zòn lan. Sa pa vle di prezidans lan ak manm gouvènman yo pa kapab ou byen pa dwe patisipe. Se ta dwe responsablite majistra yo pou envite yo pou patisipe ou non nan tip aktivite sa yo.
 
      Sa se jan konstitisyon an defini wòl chak moun nan leta a jiska ane 2011 lan. Lè sa pa ale nan fason peyi an ta dwe ye, nou ta dwe premyeman mande pwemye minis lan ki sa ki koze mal fonksyonman peyi a anvan nou leve kanpe nan kò prezidan an. Dyòb prezidan an se delege, veye si bagay yo ape mache e non kreye selon jan konstitisyon 1987 la mande li pou li aji. Sa ki pi rèd lan, li di nan atik 150 konstitisyon an byen klè ke Prezidan peyi a pa genyen plis pouvwa ke sa konstitisyon an bay li a. Sa vle di, Prezidan an genyen dwa chita nan palè a epi sèlman gade si bagay yo ape mache epi kite chèf gouvènman an ape travay. Sa pa anyen paske se fason sa li ye.
 
      Mezanmi, nou ta dwe fè yon ti panse sou fason bagay yo ye nan sosyete nou an. Nou konnen peyi an malad. Chans li genyen genyen ankò nou menm ki konsyan de jan sa ye e ki konnen ki fason pou yo mache. An nou koumanse pa ouvè je nou nou ki jan sosyete nou espere. Se pa fasil, men se ankò posib. Pwemye bagay nou ta dwe koumanse fè se reekri konstitisyon an. Petèt sa ta pwale touche kèk moun nan wòl yo, petèt sa ta kapab fè yo pran men yo sou konman pou yo jere peyi men pa genyen lòt chwa s i reyèlman nou sousye pou Ayiti vini yon peyi tout bon vre.
 
      Wi pou yon Ayiti meyè Mommy, Tell me About Haiti/ Manmi, Rakonte m Ayitiak tout pitit li, epi moun ki genyen enterè nan ede nou konstywi yon nouvèl sosyete.