Desizyon nou klè li... Fòk lame a fèt.

Nou dwe anonse popilasyon ayisyen an kontantman nou devan reyafimasyon chèf leta peyi a pou refòme lame a. Yon kou sipri ki make lespri nou ka enkyetid nou sou jesyon ak administrasyon sekirite chak grenn ayisyen ape rete peze sou do nou jouk nou wè definitivman genyen fòmalite ki ape antreprann pou gradyasyon jenn konbatif nou yo ki pare pou defann sòl ayisyen an. Desizyon nou klè li pape chanje. Fòk lame a fèt. E fòk li fèt. Nou pa kapab rete ape gade ki jan nasyon an pwale la. Li lè li tan pou genyen yon chanyman, yon chanyman ki dirab e ki kreye nan enterè tout ak chak grenn ayisyen.

      Nou santi nou bouke nan gade ki jan pwodiksyon nou yo ape fini detwi nan rimè ki ape kouri kòm si ayiti ta sibi abi lòt nasyon nan simen move bagay pou enpeche koze lakay nou yo grandi. Nan tèt kole ak otorite pòtyè nou yo lame pwale travay pou kontwole ak fè peye enflasyon tout moun ki tante sivole espas aeryen nou yo san pèmisyon. Yo di ti peyi ti mès. Pa genyen lajan, manke travay men nou dwe koumanse rantre fon nan kesyon modènizasyon an. Li lè pou nou sispann panse piti.

      Genyen yon kesyon nou vle poze Mesye Marthelly paske nan pawòl li yo malgre bon volonte li montre nou nan zafè lame a nou santi genyen swa yon feblès ou byen yon manke kapasite nan domèn sa. Nou pa twò egoyis. Nou kapab konprann sa. Se petèt taktik Ekselans lan tou lè li di Ayiti pa pwale nan lagè ak pèsonn. Men kesyon an se: ki sa Marthelly genyen nan tèt lè li pwononse bagay sa? Konfli yo vini tout jan, nenpòt lè ak pou nenpòt rezon. Ki moun ki konnen lè yon gè ape deklanche? Ayiti pa genyen lajan nou konprann fòk ou itilize sajès ak diplomasi sitou lè ou ape solisite èd men nou menm ki ape obsève dwe santi nou klè sou entansyon ak desizyon ki ape pran nan pwoteksyon ayisyen yo. Ankò prezidan an presize yon fòs nan ka li ta pase yon dezas. Byen si se travay lame a tou men konbyen enstitisyon sekouris ki ape travay nan sove moun lè ensidan sa yo rive ki manke ekipman pou ki leta ayisyen pa panse estriktire yo olye li ale depanse lajan nan kreye yon lòt enstitisyon medyòk?  . Ant 20 ak 30 milyon dola Lidè peyi a vize depanse pou kreye lame li anvizaje a pou ki li pa pataje li ak la kwa wouy, kadas, ponpye elatriye nan founi yo bon jan materyèl pou yo kontinye sèvi popilasyon an? Pa kapab genyen mayi nan diri. Wòl lame se defann nasyon an  devan tout danje ki menase li ke li fizik ou byen ak zam. Nou ape mande otorite nan gouvènman yo pou yo eklèsi sa pou nou. Nou vrèman konfi.
      Yon lòt gwo pwen nou pa kapab pa soulinye se kesyon fòmasyon jenn kò sa. Pwale genyen 2 pwoblèm majè ki pwale poze.
Youn se finans
lòt la se karaktè ayisyen ki pwale afekte nouvo inite a.
      An ekonomi yo souvan di moun ki jere ou se li ki koumande. Li pwouve paske nan nati lòm lan menm li toujou genyen tandans a fè ou fè sa li vle lè se li menm ki ape ede ou e non pa sa ou deside. Nou te ape poze kesyon an pandan Michel Marthelly te ape vizite zòn nò a li te di genyen 5 peyi ki konte kopere pou lansman ofisyèl jesyon akademik militè yo men nan dènye entèvansyon li an li mansyone BREZIL, LA FRANS, e menm manifeste santiman pou solisite sipò AMERIKEN yo. Ayiti genyen yon ideyoloji ki defini sosyete a. Koperasyon  finansye nasyon sa kapab baze sou rapò diplomatik bagay ki kapab diskite epi jere byen ka nou se yon peyi avan tou, nou genyen anpil richès ak resous pou nou ofri an echany ak tout moun ki pare pou bay/pou pran. Men la ankò li se kesyon bon jesyon ak kapasite kay moun ki ape mennen bak ayiti yo. Genyen yon ekip tou nèf siman ak nouvèl entansyon epi estrateji pou fè peyi a mache men nou lwen pou nou ta optimis nan wè ayiti sou yon lòt ang ke sa nou deja konnen pandan tout egzistans li depi apre lanmò Anperè Jean Jacques Dessalines.
      Manman koze a se fòmasyon karaktè militè sa yo. Nou pa genyen anyen pou nou pè. Lame d'ayiti ki te kreye apre 1915 lan te toujou o sèvis moun ki te kreye li a nan fè koudeta, maltrete epi touye popilasyon an. Li pa ta kapab lòt jan paske tout sa yo te vize se kontwole sistèm politik la ki se yon vyolasyon ak sa lame a genyen pou fè nan peyi a. Brezil malgre eksplwa li pandan dènye moman sa yo rete yon peyi ki genyen anpil pou li fè nan koze entèn lakay li e ki ankò fòk nou di li se yon ti peyi ak anpil ka kidnapin vyolasyon militè yo ape fè sou dwa moun. La frans kòm ansyen sosyete ki domine monn lan e ki rete yon pisans nan koze ameman nikleyè avèk yon ekonomi ki stab ta kapab parèt yon fòs nan ede nou men pou rezon istorik 2 peyi sa yo nou pa pwale mansyone solisite atansyon nou nan koumna yo pwale fè sa. la ankò li dwe rete ak gouvèman an pou detèmine enterè ak sa ki kapab parèt yon danje pou souverennte nasyion ayisyen an.
      Nou ta dwe panse mezanmi seryezman sou sa ki ape fèt la. se moman pou ayiti vanse e non fè plis bak ke jan li pwale a. Je nou ouvri sou tout ti sa yo konte fè ki genyen pou wè ak vi ayisyen yo dirèk ou endirèkteman.