Eleksyon 90 yon istwa ki rete grave nan memwa blan an

 E ki malgre sa pwale repete 2 fwa nan reyalite vi ayisyen an. Doktè Roger lafontan soti an egzil 7 jwiyè 90 nan peyi Sen Domeng anonse kandidati li sou banyè pati makout la. Mezanmi sa fè sèlman 4 an depi pè la soti soti anba diktati Francois ak Jean-claude Duvalier a pyès moun pa te ape pran sa nan men ou. Nan menm epòk la marc Louis Bazin yon ofisyèl bank mondyal pwopoze tèt li kòm potansyèl kandida nan kous elektoral la. Ayisyen pate genyen twòp enfòmasyon sou pase mesye Bazin men pou fè fas epi bòykote mouvman makout la ki menase pran pye ak retounen Roger lafontan an  byen ke KEP a rechte pwopozisyon sa 18 nan menm mwa a epi mande pou arete li nasyon ayisyen an mobilize pou vote pou Bazin. Ki sa ki te ape pase si li te bon? Ki plan li te genyen nan tèt li pou peyi a? Jouk jodi a nou pa konnen paske li pa janmen jwenn okazyon pou monte prezidan. Se te ape moman pou Ayiti chanje? Tout bagay sa yo nou pwale aprann yo lè Arisrid tounen nan yon antrevi li bay nan televizyon nasyonal pou anivèsè koudeta septanm 91 lan lè li anonse vizit Jimmy Cater nan peyi a set te pou li negosye rezilta yo nan bay bazin genyen eleksyon 16 desanm 90 la.

      Monte Bazin nan kèlke swa fason an ta dwe mache nan enterè blan an. Petèt nou te kapab benefisye e pou ki pa wè ayiti bouje, avanse kiltirèl ak ekonomikman men sa se yon istwa ki ape pran tout yon vi pou nou eksplike.

      Prezans Aristid nan eleksyon 90 parèt prèske an dènye. Yon sipriz ki gate tout planifikasyon. Pèp Ayisyen akeyi kandidati li kòm yon soulayman pou konbat rejim makout la. Men sa ki mete Jean Bertrand Aristid prezidan 16 desanm 90.

      Blan an ki konprann sa prepare li nan tout fason pou enpeche yo pèdi yon pwochen eleksyon. Kon sa an 2006 yo prepare 3 potansyèl kandida men elas, Sèl pèp ayisyen ki konnen ki sa yo vle, ak ki jan pou moun dirije yo. Swa ale chache ou byen pwopoze René Garcia Préval se te sèlman yon fòm pou motive nasyon an pou pran chemen biwo vòt poutan ayiti pwale bay yo yon lòt leson. Konpòtman pèp la te montre dezenteresman li pou patisipe nan eleksyon 06 la fòse blan an ale chache Préval Mamlad jis pou motive moun yo ale vote. malerezman pwopozisyon sa elimine planifikasyon yo te genyen nan ajanda yo. Nou dwe di se pa yon nonm yo twò degoute. Petèt nan ouvèti li nan bay yo sa yo bezwen fè yo sipòte li. Pi devan mwen va eksplike pakou manda li yo pi byen pou ou.

      Fwa sa yo koumanse konprann. Nan eleksyon 2011 lan yo pa twò chofe sou voye kandida sinon yo kanpe ape tann ki sa pèp la ape deside. Ayiti kanpe Marthelly pase. Mwen dwe onét ak ou. Mwen pa kore gouvènman sa e mwen pate ape fè li pou rezon ideyoloji politik mwen. Si ou pa konnen li mwen pwomèt pou dekri li pou ou nan yon lòt edisyon.

Ayiti genyen yon tandans politik selon vizyon ak kilti yo ki montre ki jan pou ou dirije li. Pou menen pèp sa li pa mande pou ou domine yon syans sinon aprann obsève pou ou konnen sa yo vle. Pa bliye Ayiti se yon ansyen koloni revòlte ki di non ak mizè, enjistis sosyal, diskriminasyon rasyal ak tòti fizik sou tout fòm. Kèlke swa pwojè ou pou yo, anplwaye youn nan sistèm ki site pi wo yo se raple nasyon sa pase li e otomatikman fè yo reviv sa zansèt li yo te konnen pase. Malerezman depi kreyasyon mouvman ayisyen an sèl yon lidè popilè ki kapab mennen bak yo. Mwen di popilè, yon moun ak slogan epi konpòtman ki kont kolon neoliberal yo.

      Men la genyen 2 danje.

Swa ou pa dire, konplo mete ou atè

ou byen pèp la ankò kouri dèyè ou.

      Advèsè yo pisan e yo fòme yon klan. Ak pèp la ki pa tolere ou bay li manti. Ou di li ou pa tolere blan an se chase li nan sen ou. Ou pwomèt manje a gogo fòk li koumanse wè plantasyon yo ki apefleri ki pa toujou fasil paske youn nan 2 gwoup sa yo pa danse kole poutan pyès nan yo pa kapab reyisi si yo pa mete tèt yo ansanm. 

      Genyen yon nouvèl jenerasyon ki ape boujonnen. Je ti moun yo koumanse klere. Yo egzije anpil. Anpil pwomès ak plizyè sektè ki vle monte nan tèt leta a. Nenpòt enterè ou kapab jwenn nan sosyete ayisyen an yon sèl bagay ki kapab kenbe ti pèp sa trankil se lè ou satisfè egzijans jenès la ki se:.. Mwen pape di ou li la kounye a.

      Bay kou bliye. Pote mak sonje. Sèl nasyon ki pa janmen padone sa ou fè li pase.