Kominikasyon yon zam a doub tranchan.

Kominikasyon youn nan gwo zam yon lidè kapab itilize byen ke li se fwèt ki souvan kale yo. 2 dènye deseni ki soti pase la yo Ayiti konnen 2 gouvènman ki bati echèk yo sou fot yo pa konnen ki jan pou kominike ak pèp la. Kominike pa vle di sèlman pale men di bagay yo jan yo ye a klèman pou tout moun konprann. An 2004 lit ki te opoze GNB ak RPK yo petèt ou pate pote atansyon ak sa pwale fini lè chèf leta peyi a san kontwole enfòme popilasyon Ayisyen an genyen moun ki enfekte kò polis lan ki pa poutan polisye an fonksyon. Prezidan peyi a siman te ape chache yon mwayen pou retire sou do li akizasyon ki ta fè kwè li responsab zak polisye yo ape fè sou popilasyon an poutan senp deklarasyon sa pwale mete yon bout nan manda li. Ki jan pèp la akeyi deklarasyon sa? Imajine yon nasyon tout antye ki ape soufri fizik ak sikolojikman zak briganday nèg ame an inifòm ape fè sou li, se moman pou pèp la pran desizyon pou kontrekare yo. Pawòl sa leve dife kay tout opozan fawouch gouvènman Aristid lan mete li nan yon pensèt jouk li demisyone pran egzil pou afrik di sid.

      Mesye Preval kòm siksesè rantre an fonksyon apre peryòd tranzisyon an. Yon eleman entènasyonalman yo kritike pou manke pwotokòl nan fason li abiye ak pèp ayisyen an ki sanble pa fini danse kole ak mòd langay Ekselans lan pwale pouse René Preval gade silans pandan 3 dènye ane li yo sou pouvwa a. An nou jistifye avansman sa pou kèk moun ki pa kwè. Preval an 91 monte pwemye minis deklare yon kanpay kont lavi chè nan mache chache nan tout kwa bosal kouman manje yo ape vann sitou denonse ki jan bagay yo ape mache. Li te tèlman vizib ak vèbal nan epòk sa anvan menm koudeta septanm 91 lan yo te genyen tan wè nan li ranplasan Aristid 5 an anvan yo anonse kandidati li kòm prezidan an 96.
      Akochay ant pèp ayisyen an ak prezidan peyi a pwale pete tout bon vre lè bato " fierté gonavienne" koule ak deklarasyon: <>. Si ou vle nou pwale pi lwen pou ou. Lè pou mache kwabosal kraze pale anpil, reprezantan nasyon an annik desann lavil li menm ankò lanse pwemye aksyon an. Ou kapab ale mennen envestigasyon pou ou konfime sa. Tout moun bèbè. Ki kote silans kay lidè a soti si ou pa kwè nan sa mwen di ou yo?   
      Gouvènman marthelly a fè 56yèm egzekitif Ayiti konnen. Tout genyen kote pozitif yo kèlke swa tandans ak ideyoloji politik yo. Poutan denominatè komen ki souvan echwe yo se pwoblèm kominikasyon.
      Politik an Ayiti se yon bagay ki twèt. Lè ou pa atann li manje ou. lè yon moun ape dirije sitou nan nivo egzekisyon li dwe fè pridans nan sa li ape di paske menm alye ou yo kapab transfòme an veritab advèsè si ou pa mezire langay ou.
      Laprès se yon antite yo defini kòm fòs ak pouvwa nan vi nasyonal ayisyen an. Youn nan karakteristik ki fè valè li se chache ti bagay ki sanble tou senp yo pou pyeje ou san difamasyon. Si ou pa pwofesyonèl ou riske rantre nan yon kawo san pòt. Ou pape kapab soti. Sèl nan sosyete leta kontwole tout bagay ki genyen restiksyon sou sa près la kapab di. Ayiti se yon peyi demokratik ki donk moun lib pou yo opine depi yo pa difame. Difamasyon vle di veyikile enfòmasyon ki pa sa.
      Genyen yon ti dife ki koumanse leve. Si moun ki nan pouvwa sa pa fè anpil atansyon ayiti menase konnen menm istwa ki abitywe pase yo. Kòm mwen toujou di li; meyè fason moun aprann se gade sou sa moun fè pou evite echèk ou. Anvan gouvènman sa konvèti rejim li an an diktati ke li mezire sistèm kominikasyon li an ou byen li chanje mwayen li ape itilize li paske pa genyen anyen ou fè ki pa pase nan près la.