Soti minista pape pwofitab pou nasyon ayisyen an

Sa ki pi tris nan istwa Ayisyen an sè ke se menm bagay yo ki ape repete depi 1804. Chak peryòd 2 an toujou genyen pwotestasyon, mouvman leve kanpe. Ki motif? Gouvènman pa bon o swa abi sou tout fòm fòs etranje ape fè sou sòl la.

      Apre Minista fini enfekte rivyè yo nan jete matyè nan tèt dlo yo 4 militè fè kadejak sou Johnny Jean yon jenn ti gason nan pò sali. Ayisyen pran lari pou egzije depa definitif twoup loni yo sou teritwa a. Nan Pòtoprens anpil manifestasyon, gaz wòch ape voye pou fòse leta ayisyen reklame jistis pou Jean epi voye ale moun sa yo. Men an nou fè yon ti analiz. Ki konsekans sa pwale genyen sou vi nasyonal la? Soti minista ape pwofitab pou nasyon ayisyen an? Ou pakpab jije li jan ou vle men kòm moun ki ape panse mwen mande si pèp la reflechi anvan li aji? Nan okenn sans li pape benefik pou ayiti e si ou vle mwen  ape jire li anvan lontan nou ape konnen moman ki trè nwa pi nwè ke sa nou janmen konnen depi egzistans ti nasyon nèg sa. Mwen envite nou li atik sa pou evite twòp detay ak repetisyon pou wè nan ki nivo nou ye.
      Anplis, ki moun ki nan tèt mouvman sa? Pawòl la di: <<Sitiyasyon fè aksyon>>. Prensip fondamantal ki kore fòs envizib la se pwofite ti konfli yo pou agrave sitiyasyon politik yo. Ki fè, fòse leta mete minista deyò se aksyon pati anti chanyman an pou destabilize nouvo gouvèman an. Pa bliye, li enfekte tout kouch sosyal. Sène li sou yon pwen li ape pran nou sou yon lòt.
      Pèp Ayisyen nou bezwen entelijan pou nou konprann ki sa ki ape fèt la. Revandikasyon nou an jis men nou dwe jwenn sous leve kanpe sa. Ide sa pa ayisyen men pito soti lwen. Si nou pa veye li ape mete peyi a kote nou pa ta panse, deja ak yon Prezidan ki manke anpil taktik politik.